Is é aidhm na gníomhaíochta seo feasacht a chothú sna ndaltaí maidir leis an gcaoi a ndéanann innill chuardaigh scagadh ar thorthaí an chuardaigh do dhaoine agus an chaoi a bhféadfadh a leithéid dul i bhfeidhm ar an staidéar/obair. Sula ndéanann tú an ghníomhaíocht seo, b’fhéidir gur mhaith leat breathnú ar an leathanach Céard is inniúlacht sa chuardach ann? nó cuid den ábhar sainiúil teanga a úsáid chun stór focal, scileanna éisteachta agus scileanna scríbhneoireachta na ndaltaí a threisiú.

Torthaí Foghlama

Ar chríochnú na gníomhaíochta seo, beidh mic léinn in ann:

• An scagadh pearsanta agus na srianta a bhíonn i gceist le hinnill chuardaigh a thuiscint
• Torthaí cuardaigh a chúngú agus a scagadh

Teicneolaíocht a bheidh de dhíth

• Ríomhaire a bhfuil ceangal idirlín aige atá ceangailte le teilgeoir sonraí
• Ríomhairí nó gléasanna soghluaiste do na mic léinn (nó ceann idir gach beirt)
• Innill Chuardaigh (Google, Bing, Yahoo, srl.)
• Microsoft Snipping Tool nó uirlis ar bith eile a ghlacfaidh scáilghraf

Modh oibre

Roimh an rang

1. Roimh an rang, roghnaigh téarma don chuardach (focal nó frása) a bhaineann leis an topaic atá ar bun agat leis na mic léinn;
2. Déan cúpla cuardach ag baint úsáide as an téarma céanna
   1. Fág cúpla nóiméad idir gach cuardach;
   2. Déan ar ghléasanna éagsúla iad;
   3. Úsáid innill chuardaigh éagsúla (m.sh., Google, Bing, Yahoo, srl.) nó leaganacha logánta den inneall cuardaigh céanna (m.sh. Google France/Canada/Belgique, srl., Google Deutschland/Austria/Switzerland, srl.).
3. Glac scáilghraf den chéad leathanach de thorthaí gach uair agus sábháil iad.
4. Ullmhaigh bileog eolais nó cur i láthair Powerpoint don rang.
5. Ullmhaigh Google Form a líonfaidh na mic léinn sa rang (Céim 2 thíos), a bhfuil trí bhosca air chun téarmaí don chuardach a chur ann (roghnach).

Sa rang

1. Labhair faoi ábhar an taighde (mar shampla: lóistín do mhic léinn a aimsiú i dtír na sprioctheanga).
2. Iarr ar na daltaí trí théarma sa sprioctheanga a bhaineann leis an ábhar a scríobh síos don chuardach. Is féidir seo a dhéanamh ar pháipéar nó is féidir Google form a rinne tú roimh ré a úsáid. Is féidir le mic léinn oibriú astu féin nó i mbeirteanna.
3. Léigh na torthaí don rang nó taispeáin don rang iad agus pléigí na ceisteanna seo a leanas:
   1. Céard a insíonn na téarmaí cuardaigh duit faoi na húdair?
   2. Cén cineál eolais atá uathu?
   3. Céard iad na cineálacha éagsúla torthaí a mbeifí ag súil leo?
4. Roghnaígí téarma amháin sa sprioctheanga (mar shampla ‘lóistín do mhic léinn’).
5. Iarr ar na mic léinn an t-inneall cuardaigh a úsáideann siad de ghnáth a oscailt agus cuardach a dhéanamh don téarma a roghnaíodh.
6. Iarr ar na mic léinn scáilghraf a ghlacadh de na torthaí ag baint úsáide as Windows Snipping Tool nó uirlis ar bith eile.
7. Iarr ar na mic léinn céim a 5 agus a sé a dhéanamh athuair ach innill chuardaigh eile a úsáid (mar shampla Google UK, Google Ireland).
8. Iarr ar na mic léinn comparáid a dhéanamh idir torthaí na gcuardach éagsúil agus iad a phlé.
9. Iarr ar na mic léinn an cuardach céanna a dhéanamh agus na siombailí seo a leanas a úsáid: +, -, “…” (m.sh., +lóistín +do,+mic léinn, +lóistín do mhic léinn -lóistín do mhic léinn, “lóistín do mhic léinn”).
10. Iarr ar na daltaí comparáid a dhéanamh idir na torthaí agus iad a phlé.

Tar éis an ranga

Iarr ar na daltaí an cuardach céanna a dhéanamh sa bhaile nó cuardach a dhéanamh ar théarma nó ar théarmaí a roghnaítear sa rang. Iarr ar na daltaí leagan priontáilte nó scáilghraf den chéad leathanach de na torthaí a thabhairt leo chuig an gcéad rang eile. Iarr orthu na torthaí a roinnt an chéad lá eile agus déan comparáid eatarthu. Céard a thugann na torthaí le fios faoi na mic léinn éagsúla? B’fhéidir gur mhaith leat an mhír seo a leanas a mholadh dóibh Eli Pariser’s Ted’s talk: Beware online “filter bubbles”:

 

Foinse: Leagan athchóirithe de Dudeney et al. (2013, lch. 193, Gníomhaíocht 26) agus ó  Blin & Jacquot (2016)