Blag a úsáid chun teanga a theagasc

Cén fáth a n-úsáidfí blaganna mar chuid de chúrsa?

Is iomaí cúis a n-úsáidtear blaganna le mic léinn. Cuidíonn siad le mic léinn agus le múinteoirí a bheith i dteagmháil lena chéile lasmuigh den seomra ranga agus is féidir iad a úsáid chun gníomhaíochtaí éagsúla agus tarraingteacha a chur ar bun. D’fhéadfadh blaganna mic léinn a thabhairt le chéile agus muintearas a chothú ina measc.

Sa ghníomhaíocht seo, feicfidh tú cén chaoi ar féidir leat blagáil a úsáid mar chuid den churaclam atá agat agus cén chaoi a gcuireann sí leis an bhfoghlaim.

Céard is blag ann?

https://youtu.be/oDxg5ODEXEQ

An teicneolaíocht a bheas de dhíth:

Ríomhaire/PC/ríomhaire glúine, nasc idirlín

Cur síos/Torthaí Foghlama

Foghlaimeoidh tú cén chaoi blagáil a úsáid chun teanga a mhúineadh

Modh Oibre

Tá suíomhanna gréasáin éagsúla is féidir a úsáid chun blag a chruthú saor in aisce (mar shampla, Blogger nó WordPress).

Roghnaigh suíomh gréasáin
Cláraigh le suíomh gréasáin go mbeidh tú in ann blag a oscailt
Breathnaigh ar fheidhmeanna éagsúla an bhlaig agus socraigh céard iad na huirlisí atá ann a chuirfidh le do chuid múinteoireachta
Breathnaigh ar bhlaganna oideachasúla eile (céard a oibríonn/nach n-oibríonn?)
Tabhair ainm ar do bhlag
Roghnaigh leagan amach/téama a bhaineann le hábhar an chúrsa
Beartaigh cén chaoi a n-úsáidfidh tú an blag mar chuid den siollabas (déan do mhachnamh ar chúinsí oideolaíocha agus déan do rogha bunaithe ar na cúinsí sin)
Cruthaigh na gníomhaíochtaí/tascanna
Iarr ar na mic léinn an blag a úsáid – cuimhnigh nach mór ceacht a phleanáil a mhíníonn cén chaoi ar chóir an blag a úsáid agus chun rialacha a leagan síos

Tá blaganna úsáideach don mhúinteoireacht toisc go gcuireann siad plé agus comhoibriú chun cinn agus tugtar spreagadh do mhic léinn a bheith gníomhach i ngníomhaíochtaí foghlama. Seo a leanas samplaí den úsáid is féidir a bhaint as blaganna:

Smaointe i dtaca le hábhar ar leith a roinnt
Tascanna agus acmhainní eile a fhoilsiú
Tascanna cleachta a fhoilsiú

Is féidir le mic léinn an blag a úsáid agus iad ag oibriú astu féin ar ghníomhaíochtaí ranga sa bhaile nó go deimhin, le linn an ranga agus iad ag tabhairt faoi thascanna aonair/grúpa.

Is féidir an blag a úsáid chun plé a chur ar bun agus smaointe a roinnt maidir le hobair bhaile nó acmhainní/ábhair don staidéar.

Is féidir an blag a úsáid chun cleachtadh a dhéanamh ar an sprioctheanga le piaraí

Is féidir measúnú a bhunú ar gníomhaíochtaí blaig nó ar rannpháirtíocht

Cuimhnigh gur chóir pleanáil a dhéanamh ar an mblag sula dtosaíonn an téarma: Bíonn am agus an-chuid eagrúcháin i gceist leis an mblagáil a úsáid mar chuid den churaclam.

Cuimhnigh gur chóir treoir a thabhairt do na mic léinn maidir leis an mblag a úsáid; cruthaigh RIALACHA iompair.

Be aware of the specific characteristics of writing for the web: