<strong>Tuiscint dhomhain agus tuiscint éadomhain</strong><strong> </strong><strong>Fotheidil a úsáid chun cluastuiscint agus tuiscint féachana a fheabhsú.</strong>Ar chríochnú an taisc fotheidealaithe seo, beidh:<li>tuiscint ag mic léinn ar na gnéithe éagsúla de théacsanna ilmheán.</li><li>tuiscint ag mic léinn ar ghnéithe den chumarsáid nach mbaineann le teanga agus  gnéithe atá seachtheangeolaíoch.</li><li>mic léinn in ann gnéithe seachtheangeolaíocha agus gnéithe nach mbaineann le teanga a úsáid chun tuiscint a fheabhsú</li>
Tá téacsanna le codanna ilmheán ar fáil go forleathan agus bíonn taithí ag mic léinn orthu. Úsáideann téacsanna ilmheán meáin éagsúla, mar shampla, íomhánna, fuaim, téacs idir scríofa agus labhartha agus grafaicí chun teachtaireacht a chur in iúl dúinn. Is éard a bhíonn i gceist le téacs sa sprioctheanga a thuiscint an chiall cheart a bhaint de na gnéithe éagsúla den téacs. De ghnáth, braitheann sé sin ar thuiscint ar an gcultúr, ar thuin chainte, ar spás agus a leithéid. Mar sin, is féidir téacsanna ilmheán a úsáid chun:<li>  tuiscint éadomhain a fháil ar an téacs (éirim an téacs a thuiscint) agus</li><li>  tuiscint dhomhain a fháil air (trí na gnéithe éagsúla ar fad den téacs a úsáid).</li>
Is féidir seo a bhaint amach ach gníomhaíochtaí ranga a chuimsíonn na gnéithe seo a leanas a úsáid:<li>  iarr ar na mic léinn buille faoi thuairim a thabhairt faoin teideal. Féach ar fhíseán gan na fotheidil agus gan an fhuaim a bheith ar siúl (más físeán gearr é) agus iarr ar na mic léinn buille faoi thuairim a thabhairt faoina bhfuil ag dul ar aghaidh. Breathnaígí air athuair chun a sheiceáil an raibh an ceart ag na mic léinn.</li><li>  i) iarr ar na mic léinn díriu ar an gcomhthéacs nach mbaineann le teanga (cén fáth a bhfuil na daoine ag labhairt, an chomharthaíocht choirp, an spás, na dathanna, na soilse, srl) agus ar na gnéithe seachtheangeolaíocha (tuin chainte, luas cainte, srl).</li><li>ii) taispeáin an físeán le fotheidil i T1. An bhfuil na mic léinn sásta leis na fotheidil? Má tá, cén fáth? Mura bhfuil, cén fáth?</li>
Nuair a chríochnaítear an tasc, is maith an rud é achoimre a dhéanamh ar an gcaoi a n-oibríonn na gnéithe éagsúla le chéile chun an teachtaireacht a thabhairt.<strong>Céard é an chéad chéim eile</strong><li><strong>Téigh chuig an ngníomhaíocht:</strong><a href=”https://www.digilanguages.ie/surface-and-deep-understanding/” data-mce-href=”https://www.digilanguages.ie/surface-and-deep-understanding/”> Tuiscint dhomhain agus tuiscint éadomhain. Ag féachaint le fotheidil: Téacsanna ilmheán a thuiscint.</a></li>
<strong>Foinse: </strong>Digilanguages. <strong>Údar: Laura McLoughlin</strong>