Tugann an roinn seo léargas ar an gcumarsáid idirchultúrtha don teagasc teanga agus don fhoghlaim i ré na teicneolaíochta.Tháinig athrú ar na scileanna agus ar na nósanna sóisialta nach mór don duine a fhorbairt chun a bheith in ann páirt a ghlacadh sa tsochaí le teacht chun cinn modhanna nua cumarsáide, mar shampla an ríomhchumarsáid agus teicneolaíochtaí comhoibríocha.Chruthaigh na cineálacha nua cumarsáide spásanna domhandaithe ar líne ina ndéanann daoine atá éagsúil lena chéile ó thaobh cultúir agus teanga de teagmháil lena chéile.  Athraíonn rannpháirtíocht sna spásanna seo timpeallacht na foghlama teanga go próiseas soch-chultúrtha.  Is féidir le foghlaimeoirí teanga na deiseanna foghlama a chuireann na comhthéacsaanna nua seo ar fáil, a thapú astu féin , ag úsáid spásanna ar –líne le comhthéacsanna ilteangacha a chruthú laistigh den timpeallacht foghlama teanga.Chruthaigh gnéithe nua den léitheoireacht, scríbhneoireacht agus cumarsáid riachtanais nua foghlama, lena n-áirítear inniúlacht san idirchultúrachas agus inniúlacht dhigiteach. Is féidir aghaidh a thabhairt ar na riachtanais nua seo san oideachas teanga.Tá liosta de ghníomhaíochtaí don fhorbairt ghairmiúil leanúnach sa tábla thíos mar aon le gníomhaíochtaí is féidir a úsáid sa seomra ranga.